Solar park

📚 *"ಜ್ಞಾನ ಸಂಗಮ"*📚

*====================*
*ಈ ಸೋಲಾರ್ ಪಾರ್ಕ್ ವಿಶ್ವದ ಅದ್ಭುತ!*

ಪಾವಗಡ:
*ಹದಿಮೂರು ಸಾವಿರ ಎಕರೆಯಷ್ಟು ವಿಶಾಲ ಪ್ರದೇಶದಲ್ಲಿ 16500 ಕೋಟಿ ರೂ. ವೆಚ್ಚದಲ್ಲಿ ನಿರ್ವಣವಾಗಿರುವ 2000 ಮೆಗಾವಾಟ್ ಸಾಮರ್ಥ್ಯದ ವಿಶ್ವದ ಅತಿದೊಡ್ಡ ಸೌರಪಾರ್ಕ್​ನ ಮೊದಲನೇ ಹಂತ ಗುರುವಾರ ನಾಡಿಗೆ ಸಮರ್ಪಣೆಯಾಗಿದೆ. ತಿರುಮಣಿಯ ಶಕ್ತಿಸ್ಥಳದಲ್ಲಿ ತಲೆ ಎತ್ತಿರುವ ಸೌರಪಾರ್ಕ್​ನ 600 ಮೆಗಾವಾಟ್ ಉತ್ಪಾದನೆ ಘಟಕಕ್ಕೆ ಸಿಎಂ ಸಿದ್ದರಾಮಯ್ಯ ಚಾಲನೆ ನೀಡಿದರು.*

*ದೇಶದಲ್ಲೇ ಪ್ರಥಮ: ಸೋಲಾರ್ ವಿದ್ಯುತ್ ಉತ್ಪಾದನೆಯಲ್ಲಿ ಕರ್ನಾಟಕ ದೇಶದಲ್ಲಿ ಮುಂಚೂಣಿಯಲ್ಲಿದೆ. ಸದ್ಯ ರಾಜ್ಯ 3,628 ಮೆಗಾವಾಟ್ ವಿದ್ಯುತ್ ಉತ್ಪಾದಿಸುತ್ತಿದ್ದರೆ ತಮಿಳುನಾಡು 1822, ಗುಜರಾತ್ 1585, ಮಧ್ಯಪ್ರದೇಶ 1537 ಹಾಗೂ ತೆಲಂಗಾಣ 1000 ಮೆಗಾವಾಟ್ ಸೌರ ವಿದ್ಯುತ್ ಉತ್ಪಾದಿಸುತ್ತಿವೆ ಎಂದು ಇಂಧನ ಸಚಿವ ಡಿ.ಕೆ.ಶಿವಕುಮಾರ್ ಹೇಳಿದರು.*

*ಕರ್ನಾಟಕಕ್ಕೆ ಗೌರವ: ಕರ್ನಾಟಕಕ್ಕೆ ದೊಡ್ಡ ಗೌರವ ತಂದುಕೊಟ್ಟಿರುವ ಸೋಲಾರ್ ಪಾರ್ಕ್ ಜಗತ್ತಿನ 8ನೇ ಅದ್ಭುತ ಎಂದು ಸಿದ್ದರಾಮಯ್ಯ ಬಣ್ಣಿಸಿದರು.*

*ಸೋಲಾರ್ ಪಾರ್ಕ್​ನಿಂದಾಗಿ ಪಾವಗಡ ತಾಲೂಕಿಗೆ ಹಿಂದುಳಿದ, ಬರಪೀಡಿತ ತಾಲೂಕು ಎಂಬ ಹಣೆಪಟ್ಟಿ ಕಳಚಿಕೊಳ್ಳುವ ಸದವಕಾಶ ಒದಗಿ ಬಂದಿದೆ. ಪಾವಗಡದ ಭಾಗ್ಯದ ಬಾಗಿಲು, ಅಭಿವೃದ್ಧಿ ಬಾಗಿಲು ತೆರೆದಿದೆ. ಭೂಮಿ ಬೆಲೆ ಹೆಚ್ಚಲಿದೆ. ಉದ್ಯೋಗ ಸೃಷ್ಟಿಯಾಗಲಿದೆ. ಆರ್ಥಿಕ ಸ್ಥಿತಿ ಸುಧಾರಣೆ ಆಗಲಿದೆ. ಈ ಭಾಗದ ರೈತರು ಅರ್ಥ ಮಾಡಿಕೊಳ್ಳಬೇಕು ಎಂದು ಸಿಎಂ ಮನವಿ ಮಾಡಿದರು.*
.
*====================*

*2013ರಲ್ಲಿ 13 ಸಾವಿರ ಮೆ.ವಾಟ್ ವಿದ್ಯುತ್ ಉತ್ಪಾದನೆಯಾಗುತ್ತಿತ್ತು. ಈಗ 22,000 ಮೆ. ವಾಟ್ ಉತ್ಪಾದಿಸಲಾಗುತ್ತಿದ್ದು, ಅನೇಕ ಸಮಸ್ಯೆ, ಸವಾಲುಗಳ ನಡುವೆಯೂ ರಾಜ್ಯವು ವಿದ್ಯುತ್ ಸ್ವಾವಲಂಬನೆ ಸಾಧಿಸಿದೆ. ಇದು ರೈತರದ್ದೇ ಯೋಜನೆ. ರೈತರೇ ಮಾಲೀಕರಾಗಿರುವ ಈ ಯೋಜನೆಯನ್ನು ಪ್ರಧಾನಿ ಕೂಡ ಶ್ಲಾಘಿಸಿದ್ದಾ ರೆಂದರು. ಕ್ರೆಡಲ್ ಅಧ್ಯಕ್ಷ ರೋಣ ಶಾಸಕ ಜಿ.ಎಸ್. ಪಾಟೀಲ್, ಮಾಜಿ ಸಚಿವ ವೆಂಕಟರಮಣಪ್ಪ, ಸೋಲಾರ್ ಪಾರ್ಕ್ ಎಂಡಿ ಜಿ.ವಿ. ಬಲರಾಂ, ಜಿಲ್ಲಾಧಿಕಾರಿ ಕೆ.ಪಿ.ಮೋಹನ್​ರಾಜ್, ಜಿಪಂ ಸಿಇಒ ಅನ್ನೀಸ್ ಕಣ್ಮಣಿ ಜಾಯ್ ಮತ್ತಿತರರಿದ್ದರು.*

*ಸೋಲಾರ್ ಪಾರ್ಕ್ ಪ್ರದೇಶವನ್ನು ಪ್ರವಾಸಿ ತಾಣವಾಗಿ ರೂಪಿಸಲಾಗು ವುದು. ನಿರುದ್ಯೋಗ ಸಮಸ್ಯೆ ಹೋಗಲಾಡಿಸಲು ಕೈಗಾರಿಕೆಗಳ ಸ್ಥಾಪನೆಗೆ ಒತ್ತು ಕೊಡಲಾಗಿದೆ.*
_ ಡಿ.ಕೆ.ಶಿವಕುಮಾರ್, ಇಂಧನ ಸಚಿವರು ತಿಳಿಸಿದರು
*===================*