ಸೇನಾಬಲ ಭಾರತ ವಿಶ್ವ ನಂ.4

*✏✏ಸೇನಾಬಲ ಭಾರತ ವಿಶ್ವ ನಂ.4✏✏*

   *ಭಾರತೀಯ ಸೇನಾಪಡೆ ಜಾಗತಿಕವಾಗಿ 4ನೇ ಬಲಾಢ್ಯ ಸೇನಾಪಡೆ ಎಂಬ ಹೆಗ್ಗಳಿಕೆ ರಕ್ಷಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ಗ್ಲೋಬಲ್ ಫೈರ್​ಪವರ್ (ಜಿಇಪಿ) ಲಿಸ್ಟ್ 2017ರ ಪ್ರಕಾರ ಅಮೆರಿಕ, ರಷ್ಯಾ ಮತ್ತು ಚೀನಾ ಮೊದಲ ಮೂರು ಸ್ಥಾನ ಪಡೆದುಕೊಂಡಿವೆ.*

*ಮಿಲಿಟರಿ ಸಂಪನ್ಮೂಲ, ನೈಸರ್ಗಿಕ ಸಂಪನ್ಮೂಲ, ಕೈಗಾರಿಗೆ ಮತ್ತು ಭೌಗೋಳಿಕ ಸಂರಚನೆ, ಲಭ್ಯವಿರುವ ಮಾನವಸಂಪನ್ಮೂಲ, ರಕ್ಷಣಾ ಬಜೆಟ್ ಗಾತ್ರ ಸೇರಿ ಒಟ್ಟು 50 ಅಂಶಗಳನ್ನು ಆಧರಿಸಿ ಜಿಇಪಿ ಲಿಸ್ಟ್​ಗಾಗಿ ಸಮೀಕ್ಷೆ ನಡೆಸಲಾಗುತ್ತದೆ. ಘೋಷಿತ ಅಥವಾ ಅಘೋಷಿತವಾಗಿ ಅಣ್ವಸ್ತ್ರಗಳನ್ನು ಹೊಂದಿರುವ ಅಂಶವನ್ನು ಕೂಡ ಸಮೀಕ್ಷೆಯಲ್ಲಿ ಪರಿಗಣಿಸಲಾಗಿದೆ. ಈ ಎಲ್ಲ ಅಂಶಗಳನ್ನು ಆಧರಿಸಿ, ಭಾರತ ಬಲಾಢ್ಯ ಸೇನೆ ಹೊಂದಿರುವ ಮೊದಲ 5 ರಾಷ್ಟ್ರಗಳ ಪೈಕಿ ಒಂದೆನಿಸಿಕೊಂಡಿದೆ.*

*ಯೋಧರ ಸಂಖ್ಯೆಯಲ್ಲಿ ಮುಂಚೂಣಿ*: *ಭಾರತ ಒಟ್ಟು 42.07 ಲಕ್ಷ ಯೋಧರ ಬಲವನ್ನು ಹೊಂದಿದೆ. ಹಾಗಾಗಿ, 23 ಲಕ್ಷ ಯೋಧರನ್ನು ಹೊಂದಿರುವ ಚೀನಾವನ್ನು ಅದು ಹಿಂದಿಕ್ಕಿದೆ. ಮೀಸಲು ಯೋಧರ ಸಂಖ್ಯೆಯಲ್ಲಿ 28.44 ಲಕ್ಷ ಯೋಧರನ್ನು ಹೊಂದಿರುವ ಭಾರತ, 14.52 ಲಕ್ಷ ಯೋಧರನ್ನು ಹೊಂದಿರುವ ಚೀನಾವನ್ನು ಹಿಂದಿಕ್ಕಿದೆ.*

*3 ಲಕ್ಷ ಯೋಧರನ್ನು ಕಡಿತಗೊಳಿಸಿದ ಚೀನಾ*

*2015ರಲ್ಲೇ ಘೋಷಿಸಿದ್ದ ಕ್ಸಿ: ಚೀನಾದ ಅಧ್ಯಕ್ಷ ಹಾಗೂ ಪಿಎಲ್​ಎ ಮುಖ್ಯಸ್ಥರಾದ ಕ್ಸಿ ಜಿನ್​ಪಿಂಗ್ 2015ರಲ್ಲೇ ಯೋಧರ ಸಂಖ್ಯೆ ಕಡಿತಗೊಳಿಸುವ ಘೋಷಣೆ ಮಾಡಿದ್ದರು. 1980ರಲ್ಲಿ ಚೀನಾ ಸೇನೆ 4.5 ದಶಲಕ್ಷ ಯೋಧರನ್ನು ಹೊಂದಿತ್ತು. 1985ರಲ್ಲಿ ಇದನ್ನು 3 ದಶಲಕ್ಷಕ್ಕೆ ಇಳಿಸಲಾಗಿತ್ತು. ಇದೀಗ ಮೂರನೇ ಬಾರಿಗೆ ಯೋಧರ ಸಂಖ್ಯೆಯಲ್ಲಿ ಮಾರ್ಪಾಡು ಮಾಡಿ 2.3 ದಶಲಕ್ಷಕ್ಕೆ ಇಳಿಸಲಾಗಿದೆ.*

*ಚೀನಾ ರಕ್ಷಣಾ ಬಜೆಟ್ ಹೆಚ್ಚಳ*

*ಚೀನಾ ಸೋಮವಾರ ತನ್ನ ರಕ್ಷಣಾ ಬಜೆಟ್ ಪ್ರಕಟಿಸಿದ್ದು, ಒಟ್ಟಾರೆ 11,39,464 ಕೋಟಿ ರೂ. ನಿಗದಿಪಡಿಸಿದೆ. ಭಾರತದ ರಕ್ಷಣಾ ಬಜೆಟ್​ಗಿಂತ ಇದು ಮೂರು ಪಟ್ಟು ಹೆಚ್ಚಾಗಿದೆ. ಸೋಮವಾರ ಆರಂಭವಾದ ಚೀನಾದ ಸಂಸತ್ ಅಧಿವೇಶನದಲ್ಲಿ ಈ ಬಜೆಟ್ ಅನ್ನು ಮಂಡಿಸಲಾಗಿದೆ. ಮಿಲಿಟರಿ ತರಬೇತಿಯನ್ನು ಆಧುನೀಕರಣಗೊಳಿಸುವ ಜತೆಗೆ ದೇಶದ ಸಾರ್ವಭೌಮತ್ವ, ಭದ್ರತೆ ಮತ್ತು ಅಭಿವೃದ್ಧಿಯ ಹಿತಾಸಕ್ತಿ ಕಾಯಲು ಸೇನೆಯನ್ನು ಯುದ್ಧ ಸನ್ನದ್ಧ ಗೊಳಿಸಲು ಈ ಮೊತ್ತವನ್ನು ಬಳಸಲಾಗುವುದು ಎಂದು ಚೀನಾದ ಪ್ರಧಾನಿ ಲೀ ಕೆಕಿಯಾಂಗ್ ಹೇಳಿದ್ದಾರೆ. ರಾಷ್ಟ್ರದ ಸಮಗ್ರ ಆರ್ಥಿಕ ಅಭಿವೃದ್ಧಿ ಗುರಿ ಸಾಧಿಸುವ ಜತೆಗೆ ದೇಶದ ಗಡಿರಕ್ಷಣೆಗಾಗಿ 2017ನೇ ಸಾಲಿನಲ್ಲಿದ್ದ -ಠಿ;10,67,835 ರಕ್ಷಣಾ ಬಜೆಟನ್ನು ಈ ಬಾರಿ ಶೇ.8.1 ಹೆಚ್ಚಳ ಮಾಡಲಾಗಿದೆ ಎಂದು ತಿಳಿಸಿದ್ದಾರೆ.*